ခရီးသည်စာရင်း၌မပါသောသူ

စာရေးသူ ►►►ကျော်မြင့်ဇော်
Not On The Passenger List by Barry Pain, From "Five Ghost Stories"


မိုးသက်မုန်တိုင်းက ပြင်းထန်သဖြင့် ကျွန်ုပ် အိပ်၍မရ၊ သင်္ဘောတစ်စင်းလုံးလည်း ခရီးသည်များ၏ အော်ဟစ်သံများ၊ လေတိုက်သံ၊ မိုးရွာသံ၊ မိုးခြိမ်းသံတို့ဖြင့် ဆူပွက်လျက်ရှိသည်။ အရာရာတိုင်းသည် ဘယ်ညာယိမ်းထိုးလျက်ရှိသဖြင့် ကျွန်ုပ်ကုတင်အောက်ရှိ သေတ္တာကြီးမှာ တစ်ချိန်လုံး တောင်ဘက်လျှောလိုက်၊ မြောက်ဘက်ရွေ့လိုက်နှင့်အလုပ်အများဆုံး ဖြစ်နေ၏။

တစ်ခါတစ်ရံ ယင်းသေတ္တာသည် ကြမ်းပြင်တစ်လျှောက် လျှောတိုက်၍ အခန်းတံခါးဆီသို့ ခပ်ဖြည်းဖြည်း
ရွေ့သွားစဉ် သေတ္တာခပ်သေးသေးတစ်လုံးကပါ ချောင်ထဲမှ လျှောထွက်လာကာ ပထမသေတ္တာရွေ့သွားရာ လမ်းအလယ်တွင် ရပ်နေ၏။ ထို့ကြောင့် အခန်းတွင်းရှိ မီးခလုတ်ကို ကျွန်ုပ်ပိတ်ပစ်လိုက်၏။ ယင်းသေတ္တာနှစ်လုံးကို အမှောင်ထဲတွင် တိုက်ချင်တိုက်၊ ကွဲချင်ကွဲ၊ ဖြစ်လိုရာဖြစ်စေသဘောမျိုးဖြင့် အမှောင်ချထားလိုက်၏။ ကျွန်ုပ်ကြိုးစားပြီး ကြိတ်မှိတ်၍ အိပ်လိုက်သည်။ အိပ်မက်ထဲတွင် ထူးထူးဆန်းဆန်း အကြောင်းအရာများ မြင်မက်ခဲ့၏။

နံနက်လင်းသော် မုန်တိုင်းက ငြိမ်သက်နေပြီဖြစ်၍ ကျွန်ုပ်သည် မျက်နှာသစ်၊ ရေမိုးချိုး၊ ကိုယ်လက်သုတ်သင်ရန် ရေချိုးခန်းအတွင်းသို့ ဝင်လိုက်သောအခါ ရေများပြည့်လျှံနေပြီး ဘောင်ဘင်ခတ်၍ တစ်ကိုယ်လုံး စိုရွှဲကုန်သည်။
ရေမိုးချိုးပြီးသောအခါ ကျွန်ုပ်၏ အခန်းသို့ ပြန်လာစဉ် ကျွန်ုပ်၏ အခန်းဆီ သင်္ဘောစားပွဲထိုးမှ နံနက်စာ လက်ဖက်ရည်ယူလာသည်နှင့် ဆုံနေသည်။
သူက ကျွန်ုပ်ကို ရာသီဥတု ကောင်းသွားပြီဖြစ်ကြောင်း ပြောခဲ့သည်။ ထိုနေ့က မနက်စာစားချိန်တွင် လူနည်းနည်းသာရှိသည်။ ကျွန်ုပ်သည် စားသောက်ခန်းသို့ သွားသောအခါ ထိုအခန်းတွင် ကျွန်ုပ်ထက်အရင်ရောက်နေသူများထဲ၌ မစ္စက်ဒဲရစ်ဆင် တစ်ယောက်အပါအဝင်ဖြစ်ပြီး ကျွန်ုပ်ကအဝင် သူမကအထွက်ဖြစ်၏။
သူမ၏ မျက်နှာ မသာမယာဖြစ်နေပြီး မနေ့က ရာသီဥတု ဆိုးဝါးသောကြောင့် နေထိုင်မကောင်း ဖြစ်ချင်၍ မအီမသာ ခံစားနေရပေသည်ဟု ကျွန်ုပ်တွက်ဆလိုက်သည်။ ထိုစဉ် သူမက ကျွန်ုပ်ကို စတင်၍ စကားပြောသည်။

► ရှင့်ကို ကျွန်မ ပြောစရာရှိတယ်..  အဲဒါ ရှင် မနက်စာစားပြီးရင် ကျွန်မနဲ့ တွေ့နိုင်မလားဟင်...

မစ္စက်ဒဲရစ်ဆင်မှာ ခရီးသွားအတွေ့အကြုံရှိသူ မဟုတ်သဖြင့် ကျွန်ုပ်ကို သူမသိလိုသည့် အချက်များအား မကြာခဏ မေးမြန်းခဲ့ဖူးသဖြင့် ကျွန်ုပ်အား ယခုကဲ့သို့ ရင်းရင်းနှီးနှီး ပြောဆိုခြင်းဖြစ်၏။ ထို့ကြောင့် ကျွန်ုပ်သည် နံနက်စာစားပြီးသောအခါ မစ္စက်ဒဲရစ်ဆင်နှင့် သွားရောက်တွေ့ဆုံရာ သူမသည် ကုလားထိုင်တစ်လုံး၌ ထိုင်လျက်ရှိပြီး နွေးထွေး၍ တန်ဖိုးကြီးသော ဝတ်စုံကို ဝတ်ဆင်ထား၏။ ထို့ကြောင့် မစ္စက်ဒဲရစ်ဆင်မှာ ပင်လယ်တောက်ခြင်း မဟုတ်နိုင်ဟုကျွန်ုပ် ကောက်ချက်ချခဲ့၏။

► ကျွန်မ ညက အိပ်လို့မရဘူးရှင့်...

► ဟုတ်တယ်..ကျွန်တော်လည်း ညက အိပ်လို့မရပါဘူးဗျာ..  အိပ်မက်တွေကလည်း ထူးထူးဆန်းဆန်း ကယောင်ကတန်းနဲ့ မက်လိုက်တာ ဘာတွေမှန်းလည်းမသိဘူး...

ထိုစဉ် မစ္စက်ဒဲရစ်ဆင်မှာ ပြတင်းပေါက်မှတစ်ဆင့် ပင်လယ်ရေပြင်ကို ငေးမောလျက်ရှိပြီး ကျွန်ုပ်၏ စကားကိုပင် သူမ ကြားဟန်မတူပေ။ မစ္စက်ဒဲရစ်ဆင်မှာ အသက်သုံးဆယ့်လေး၊ သုံးဆယ့်ငါးနှစ်ခန့် ရှိမည်ဖြစ်ပြီး၊ မျက်လုံးမျက်ဖန်ကောင်းကောင်းနှင့် ဆွဲဆောင်မှုရှိသော မျက်နှာပိုင်ဆိုင်သူ ဖြစ်၏။

► ညက မုန်တိုင်းကလည်း အတော်ကြမ်းတာဗျ..  ဒီညကျမှပဲ စိတ်ချလက်ချအိပ်နိုင်တော့မှာ.. 
အခု နေရောင်လည်း တော်တော်ပွင့်နေပြီပဲ..  ကဲ..ဒါတွေထားပါတော့လေ..  မစ္စက်ဒဲရစ်ဆင် ခင်ဗျားပြောချင်တဲ့ ကိစ္စကို ပြောစမ်းပါဦး..  ကျွန်တော် ဘာအကူအညီပေးရမလဲ...

► ကျွန်မကတော့ ရှင့်ဆီကို အကူအညီတောင်းရင်လည်း..ရှင်ဘာမှတတ်နိုင်မယ် မထင်ဘူး...

တုန်ရီသောအသံနှင့် ပြောလျက်ရှိသည့် မစ္စက်ဒဲရစ်ဆင်သည် အလင်းရောင်ထဲတွင် သူမ၏ လက်ကို ထောင်လိုက်သောအခါ သေးသွယ်ပိန်လှီသည့် လက်ချောင်းကလေးများသည် တဆတ်ဆတ်တုန်လျက်ရှိသည်။

► ကျွန်မကတော့ သိပ်ကြောက်တာပဲ..  အရမ်းကိုမှပဲ ကြောက်တာပါပဲရှင်...

အသံတုန်တုန်ရီရီနှင့် ပြောနေသော မစ္စက်ဒဲရစ်ဆင်၏ မျက်နှာမှာ ဖြူဖပ်ဖြူရော် ဖြစ်လျက်ရှိ၏။

► မစ္စက်ဒဲရစ်ဆင်..သိပ်လည်း ကြောက်မနေပါနဲ့ဗျာ..  အခုမှ ကြောက်နေလို့လည်း ဘယ်သဘာဝကျပါ့မလဲ..  မုန်တိုင်းက ပြီးနေပြီပဲ..  မနက်ဖြန်မနက်ဆိုရင် လီဗာပူးလ်ကိုတောင် သင်္ဘောဆိုက်တော့မယ့်ဥစ္စာ..ဟုတ်လား...

► မှန်ပါတယ်..ရှင်ပြောတာကို ကျွန်မ သဘောပေါက်ပါတယ်..  ဒါပေမယ့် ကျွန်မ ကြောက်လန့်နေတာက မုန်တိုင်းမဟုတ်ဘူးရှင့်..  တခြားအကြောင်းတစ်ကြောင်း ပြောရမှာလည်း ခပ်ခက်ခက်ပဲ..  ကျွန်မ ပြောပြလိုက်ရင် ရှင်က ကျွန်မကို ဦးနှောက်သိပ်မမှန်တဲ့သူလို့ ထင်မှာလည်း စိုးသေးတယ်...

► ဟာ..ခင်ဗျား ဘယ်လိုပြောလိုက်တာလဲ..  ခင်ဗျားက အခုထိ ကျုပ်ကို အယုံအကြည် မရှိဘူးလား...

► ကောင်းပါပြီ..ကောင်းပါပြီ..  ဒါဆို ကျွန်မ ပြောပြပါ့မယ်..  ကျွန်မရဲ့ ခင်ပွန်းသည် အဲလက်ဟာ လွန်ခဲ့တဲ့ သုံးလလောက်က ဆုံးသွားခဲ့တယ်လေ..  ဒီတော့ တစ်ပင်လဲမူ တစ်ပင်ထူဆိုတဲ့ စကားအတိုင်း နောက်ထပ်
အိမ်ထောင်ထပ်ပြုဖို့ အခု ကျွန်မ အင်္ဂလန်ကို သွားနေတာပေါ့...

► အင်း..သဘောပေါက်ပါတယ်..ဆက်ပြောစမ်းပါဦး...

► အဲလက်ဟာ လွန်ခဲ့တဲ့ သုံးလလောက်ကတည်းက ဆုံးသွားခဲ့ပေမယ့် မနေ့ညကတော့ သူ့ကို ဒီသင်္ဘောပေါ်မှာ တွေ့လိုက်တယ်..  ကျွန်မ အိမ်ထောင်ပြုမှာဖြစ်တဲ့အတွက် အနှောင့်အယှက်ပြုဖို့ ဝိညာဉ်နဲ့လာတယ်လို့ ကျွန်မထင်တယ်...

► မဖြစ်နိုင်ပါဘူးဗျာ..  ဖြစ်ကို မဖြစ်နိုင်ဘူး..  အင်း..မဖြစ်နိုင်ဘူးလို့ရော ခင်ဗျား မတွေးမိဘူးလား...

► မနေ့ကတောင် ကျွန်မကိုယ်တိုင် ရှင့်လို ထင်ခဲ့သေးတယ်...

► ကဲဗျာ..ဒါဖြင့်ရင် ဒီနေ့ကော ခင်ဗျား ဘယ်လိုထင်သလဲ..  ခင်ဗျားမြင်တာ..တွေ့တာ..ခံစားရတာတွေကို ပြောဗျာ ကျုပ်တစ်ခုချင်း ရှင်းပြပေးမယ်...

► ကျွန်မ မနေ့ညက ဆယ့်တစ်နာရီက ကျွန်မအခန်းကို ပြန်သွားခဲ့ပြီးတော့ မီးဖွင့်လိုက်တယ်..  အဲဒီအချိန်မှာ ကျွန်မရဲ့ ကုတင်ပေါ်မှာ ကျွန်မရဲ့ သေသွားပြီဖြစ်တဲ့ ယောက်ျားအဲလက်ကို ငုတ်တုတ်ကြီးထိုင်နေတာ တွေ့ရတယ်ရှင့်..  မြင်ရတာက ဘေးတိုက်အနေအထားကြီး..ပြီးတော့ သူက ကျွန်မကို လှည့်မကြည့်ဘူး.. 
သူ့ခေါင်းပေါ်မှာ လျှပ်စစ်မီးလုံးက ပွင့်နေတယ်လေ..  ညဝတ်အင်္ကျီရှည်အပြာကြီးကို ဝတ်ထားပြီး ဖိနပ်က အနီရောင်စီးထားတယ် သူ မသေခင်တုန်းက ဝတ်ခဲ့တဲ့ အဝတ်အစားပေါ့..  သူ့ဝတ်ရုံရှေ့အိတ်ကြီးကလည်း ဖောင်းပြီးတွဲကျနေတယ်ရှင့်
သူအသက်ရှိစဉ်တုန်းက သူပြောဖူးတဲ့ စကားတစ်ခွန်းကို ကျွန်မ အမှတ်ရလာတယ်..ဘယ်လိုပြောခဲ့ဖူးလည်းဆိုတော့ အဲလက်က သူခရီးသွားတိုင်း သွားတိုင်း ညဘက်ဆိုရင် သူ့ညဝတ်အင်္ကျီမှာ ရှိတဲ့အိတ်ထဲကို သူ့လက်ပတ်နာရီရယ်..ငွေအားလုံးရယ်..သော့တွဲတွေရယ် စုပြီး ထည့်ထားလေ့ရှိသတဲ့ရှင့်...
အဲဒါနဲ့ အဲဒီညကအကြောင်း ဆက်ကြဦးစို့ရဲ့...ကျွန်မက သူ့ကို မျက်တောင်မခတ်ဘဲ ကြည့်နေတဲ့အခါ သူက ဆတ်ခနဲ ခေါင်းကို လှည့်လိုက်ပြီး ကျွန်မကို ပြန်ကြည့်တယ်..
ပြီးတော့ သူက ထိုင်ရာကနေ ထလိုက်ပြီး ကျွန်မဆီကို ခပ်ဖြေးဖြေး လျှောက်လာတယ်ရှင့်..  ဒီအချိန်ထိ ကျွန်မဟာ သူ့ကို ကြောက်ဖို့ထက် အံ့အားသင့်ပြီး တအံ့တသြ ကြည့်နေမိတယ်လေ..  သူခေါင်းကို တစ်ချက်နောက်ဘက်လှည့်လိုက်တဲ့ အချိန်ကျမှ ကျွန်မကြောက်ရမယ့်စိတ်က ပေါ်လာတယ်..  အဲလက်မှ အဲလက်အစစ်ပါရှင်..
မယုံမရှိပါနဲ့..ကျွန်မ မျက်လုံးဟာ ဘယ်လိုမှ မမှားနိုင်ပါဘူး..  အဲလက်နဲ့ ပတ်သက်ရင် အသးအမွှားကအစ
ကျွန်မ အလွတ်ရနေတာကိုးရှင့်...

► အင်း..စဉ်းတော့စဉ်းစားစရာပဲ..ကျုပ်တော့ ခင်ဗျားပြောတဲ့အပေါ် လက်တွေ့ကျကျ အဖြေမထုတ်နိုင်သေးဘူး...

► သေချာပါတယ်ရှင်...အဲလက်ပါ..  မျက်နှာက ပွရောင်းရောင်း..ဝိုင်းတိုင်းတိုင်းနဲ့ သူက ကျွန်မထက် အသက်ဆယ့်ငါးနှစ်ကြီးတယ်..  အဲလက်ရဲ့ မျက်နှာမှာ ပါးစပ်ပေါက်က ခပ်ကျဉ်းကျဉ်းနဲ့..ပြီးတော့ သူ့မျက်နှာဟာ လူရိုးရိုးနဲ့ မတူဘဲ ဆေးခြယ်ထားတဲ့ အသက်မဲ့ အရုပ်ကြီးလိုပဲ..  ကျွန်မကိုလည်း သူ့မျက်လုံးက ကြည့်တာမဟုတ်ဘူး..
သူ့မျက်လုံးက တစ်ဝက်ပဲပွင့်နေတယ်..  သူ မသေခင်တုန်းက ဆရာဝန်လာတော့ အသက်ကုန်လု ကုန်ခင်က မျက်နှာအနေအထားပေါ့ရှင်..  ကျွန်မဖြင့် ရင်တွေတုန်..ခေါင်းတွေကြီး..ချွေးစေးတွေလည်း ထွက်လာတယ်..
အသားတွေဟာ နတ်ကျသလို တဆတ်ဆတ်တုန်လာတယ်..  ဒါနဲ့ ကျွန်မလည်း လက်တစ်ဖက်ကို နောက်ဘက်မှာ ဖွက်ထားရင်း ခေါင်းလောင်းတီးဖို့ ခလုတ်ကို လက်စမ်းလိုက်တယ်..  တစ်ဖက်က သူ့ကို လှည့်ကြည့်ရင်း ကျွန်မ ပြောလိုက်တယ်...
ရှင် ဘာလုပ်ဖို့ ကျွန်မဆီလာတာလဲ..လို့...

မစ္စက်ဒဲရစ်ဆင်၏ မျက်နှာမှာ သွေးမရှိတော့သကဲ့သို့ ဖြူဖွေးနေကာ ခဏနားပြီး ခပ်ဖြည်းဖြည်း ဆက်၍ပြောသည်။

► ကျွန်မ ဖွက်ထားတဲ့လက်က ခေါင်းလောင်းတီးတဲ့ ခလုတ်ကို စမ်းမိတယ်..  သူ့မျက်နှာ အမူအယာက သိပုံရတယ်
သူ့ နှုတ်ခမ်းတွေက တလှုပ်လှုပ်နဲ့ တစ်ခုခုပြောနေတယ်..  အသံမထွက်ဘူး...ဒါပေမယ့် သူက ထပ်တလဲလဲကြိုးစားပြောရင်း အသံထွက်လာတယ်ရှင့်..  သူပြောတာက မင်း ငါနဲ့ အမြဲရှိနေစေချင်တယ်တဲ့..  အဲဒီအချိန်မှာ သင်္ဘောစားပွဲထိုးက ကျွန်မအခန်းတံခါးကို လာပြီးခေါက်တယ်..  တံခါးခေါက်သံနဲ့အတူ ကျွန်မယောက်ျား အဲလက်လည်း ပျောက်သွားတယ်...

► ခင်ဗျား..အဲဒီအကြောင်း စားပွဲထိုးကို ပြောလိုက်သေးသလား...

► မပြောဘူးရှင့်..ကျွန်မက လေမုန်တိုင်းအကြောင်းပဲ ပြောလိုက်ပါတယ်...

► မစ္စက်ဒဲရစ်ဆင်..ခင်ဗျားပြောနေတဲ့ ပြဿနာတွေရဲ့ အဖြေဟာ ရှင်းနေသားပဲ...

► ဘယ်လို...အဖြေက ရှင်းနေတယ်..ဟုတ်လား..  ကဲ..ကဲ ပြောစမ်းပါဦးရှင့်...

► ခင်ဗျား လှိုင်းမူးပြီး သင်္ဘောတောက်တာပေါ့..  ဒါ့ကြောင့် ကယောင်ကတမ်းတွေ မြင်တာ..ကြားတာပေါ့...

► မဟုတ်ဘူးရှင့်..ဒီတစ်ခါတော့ ရှင်လွဲသွားပြီ..  ကျွန်မ အဲဒီအချိန်က ဘာမှမဖြစ်ဘူး..  မူးဖို့ဆိုတာ ဝေးစွပဲ...

► လူတိုင်းကတော့ ငါဘာမှမဖြစ်ဘူးလို့ ထင်ကြတာပဲ..  အရက်သမားလိုပေါ့..ကိုယ့်ကိုယ်ကို ဘယ်တော့မှ မူးတယ်မပြောဘူး..  လှိုင်းကြီးလေထန်လို့ သင်္ဘော ဘယ်ညာယိမ်းတဲ့အခါ ဦးနှောက်နဲ့ ကိုယ်ခန္ဓာက တစ်ပြိုင်တည်းခံစားကြရတာ..  လူက ဒါကို သတိမထားမိဘူး..  မျက်လုံးထဲမတော့ ဦးနှောက်ထွေပြားတဲ့အတွက် စွဲမိစွဲရာ မြင်နေရတယ်လို့ ထင်မှတ်ထားတော့တာပေါ့...

► ဟုတ်ပါ့ရှင်..ရှင်ပြောသလိုပဲ ဖြစ်ပါစေတော့လို့ ကျွန်မ လိုလားလိုက်တာ..  အဲဒီလိုသာဆိုရင် ဘယ်လောက်ကောင်းလိုက်မလဲ...

► စိတ်ချစမ်းပါဗျာ..ဒီလိုကယောင်ကတမ်း မြင်ရတယ်လို့ ထင်တဲ့ကိစ္စ..နောက်တစ်ကြိမ်ထပ်ပြီး မဖြစ်နိုင်တော့ပါဘူး
နောက်ထပ် မုန်တိုင်းကလည်း ဒီရက်အတွင်းထပ်ပြီး မဖြစ်နိုင်ပါဘူး..မစ္စက်ဒဲရစ်ဆင်...

ထို့နောက် မစ္စက်ဒဲရစ်ဆင်က သူမ၏ ဘဝဇတ်ကြောင်းကို ဆွေးဆွေးမြည့်မြည့်နှင့် ပြောခဲ့သည်။ အဲလက်နှင့် သူမတို့ လွန်ခဲ့သော ကိုးနှစ်ခန့်က လက်ထပ်ခဲ့ကြရာ အဲလက်က သူမကို မြတ်မြတ်နိုးနိုးရှိသလောက် သူမက အဲလက်ကို လေးစားသည်မှလွဲ၍ အသည်းထဲမှချစ်မေတ္တာမှာ ပေါ်ထွက်၍မလာခဲ့။
မစ္စက်ဒဲရစ်ဆင်က ရိုးသားပွင့်လင်းစွာပင် အဲလက်ကို ထုတ်ဖော်ပြောဆို ဝန်ခံခဲ့ရာ အဲလက်က တစ်ဦးနှင့်တစ်ဦး လက်ထပ်ပေါင်းသင်းသည့် အခြေအနေပင် ရောက်ရှိခဲ့ပြီဖြစ်ပြီမို့ သူ့အပေါ်ပြန်၍ မချစ်လျှင်လည်း ပြဿနာမရှိကြောင်း၊ သူကတော့ နှစ်နှစ်ကာကာ မြတ်နိုးစုံမက်ပါကြောင်း၊ အချိန်ကြာလာလျှင် သမုဒယ သံယောဇဉ် ဝင်လာမှာဖြစ်ကြောင်း ပြောခဲ့သည်။

သူတို့၏ လက်ထပ်ပွဲမှာ အခြားစုံတွဲများကဲ့သို့ပင် ထုံးစံမပျက် ဆောင်ရွက်ခဲ့သည့်နည်းတူ အပေါ်ယံ အမြင်အားဖြင့် ပျော်ပျော်ရွှင်ရွှင်ရှိခဲ့၏။ သို့သော် မည်သို့မျှ နှစ်သက်ခြင်းမရှိဘဲ လက်ထပ်ခြင်းသည် အမှားကို ကျူးလွန်မိခဲ့ခြင်းလည်းဖြစ်၏။

အဲလက်က သူမကို နယူးရောက်မြို့ရှိ သူ၏ အိမ်ကြီး၊ ဝင်းကြီးရှိရာသို့ ခေါ်ဆောင်သွားခဲ့သည်။ ယင်းစံအိမ်ကြီးတွင် သူမတို့ လင်မယား တစ်နှစ်ခန့် နေထိုင်ခဲ့ကြရာ အစပိုင်းတွင် မည်သည့်ပြဿနာမှ မရှိခဲ့။ အဲလက်က အစစအရာရာ သူမ၏ အလိုလိုက်၊ အကြိုက်ဆောင်ခဲ့၏။ ငွေကြေးမှအစ ပြည့်ပြည့်စုံစုံ ပုံအပ်ထားခဲ့သည်။ သို့သော် ရှေးရေစက်က မပါခဲ့လေသလား မဆိုနိုင်၊ သူမ၏ ရင်ထဲတွင် အဲလက်အပေါ် ချစ်မြတ်နိုးရန် အစို့အညှောင့်ကလေးပင် ထွက်ပြူ၍ မလာခဲ့ချေ။ ကြာလာတော့ အဲလက်ဒဲရစ်ဆင်ခမျာ သူ့ချစ်ဇနီးကို လက်လွှတ်ဆုံးရှုံးရမည့်အရေး တွေး၍ စိုးရိမ်ကြောင့်ကြ ဗျာပါဒများ ပေါ်ပေါက်လာခဲ့ရတော့၏။
အဲလက်၏ ရင်ဝယ် အသက်တမျှ ချစ်ခဲ့ရသည့် မိမိ၏ ကြင်သူသက်ထားကို အခြားတစ်ပါးသော ယောက်ျားသနာအပေါ် တိမ်းညွှတ်ချစ်ခင်၊ မေတ္တာသက်ဝင်သွားမည်ကို မိမိသေရမည်ထက် စိုးရိမ်ပူပန်လျက်ရှိ၏။

ထို့ကြောင့် အဲလက်က စိတ်အပြောင်းအလဲဖြစ်ရန် သူ့ဇနီးနှင့်အတူ အင်္ဂလန်သို့ အပန်းဖြေခရီး ထွက်ဖြစ်ခဲ့သည်။
အကျိုးလို၍ ညောင်ရေလောင်း ပက်ထမ်းနဲ့တွေ့၊ ပေါ့စေလို၍ ကြောင်ရုပ်ထိုး ဆေးအတွက်လေးခဲ့ရသည့် အဲလက်၏ဘဝ။ အမေရိကန်တွင် သူ့ဇနီးသည် အခြားတစ်ပါးသော ယောက်ျားအပေါ် တိမ်းမူးမည်စိုးသဖြင့် အင်္ဂလန်သို့ ခေါ်ခဲ့ရာမှ အင်္ဂလန်တွင် သူ့ဇနီးသည်အမှန်တကယ် ချစ်ခင်စုံမက်သည့် လန်ဒန်သားတစ်ဦးနှင့် ဆုံဆည်းရတော့၏။

သူမ၏ ချစ်ရသူကား ရွယ်တူလူလှ၊ ချိုမြသော အပြုံးပိုင်ရှင်၊ ပန်းချီဆရာတစ်ဦး ဖြစ်သည်။ သူမကလည်း ခိုးကြောင်ခိုးဝှက်မလုပ်၊ တရားဝင် လင်တော်မောင် အဲလက်ကို အမှန်အတိုင်း ဖွင့်ဟပြောဆိုခဲ့ရာ အဲလက်ခမျာ မျက်စပ်ပိုးဝင် ဆံတစ်ပင်တင်းကာ ချက်ချင်းပင် အမေရိကန်သို့ ချစ်ဇနီးကို လက်ကဆွဲ၍ အမြန်ဆုံး ပြန်ခဲ့တော့၏။
ဤသည့်အခြေအနေဖြင့်ပင် ချစ်ဇနီးကို အနွံအတာခံကာ ရှစ်နှစ်လုံးလုံး မေတ္တာမပျက်ပေါင်းဖက်ခဲ့သည်။
သူမကလည်း သူမ၏အချစ်ကို သိမ်းဆည်းကာ အဲလက်အပေါ် မဖောက်မပြန်၊ မှန်ကန်စွာနေထိုင်ခဲ့၏။

သို့သော် အဲလက်၏ ရင်ထဲဝယ် သံသယအပင်ပျိုကား အကိုင်းအညွှတ်များ ဝေဆာလျက် ချစ်ဇနီးကိုလည်း ထုတ်မပြောရက်သဖြင့် တအုံနွေးနွေးနှင့် ချစ်သောကဝေဒနာကို အလူးအလဲ ခံစားရရှာသည်။ သူမကိုလည်း မျက်ခြေအပြတ်မခံဘဲ ဂရုတစိုက် ထိန်းသိမ်းခဲ့၏။  အဲလက်အနေဖြင့် အင်္ဂလန်ရှိ ပုဂ္ဂိုလ်များဖြင့် ဆက်စပ်၍ စီးပွားရေးလုပ်ငန်းရှိသဖြင့် နှစ်စဉ် တစ်နှစ်တစ်ကြိမ်ကျ အင်္ဂလန်သို့ သွားရသည့်အခါတိုင်း သူ့ဇနီးသည်ကို နယူးယောက်တွင်သာထားခဲ့သည်။ အဲလက်၏ ညီမနှစ်ယောက်ကို သူ့ဇနီးသည်နှင့်အတူ နေထိုင်စောင့်ရှောက်စေခဲ့ပြီး ချစ်ဇနီးကို လုံးဝအပျောက်မခံခဲ့။

သို့သော် မစ္စက်ဒဲရစ်ဆင်မှာ ပန်းချီဆရာ လန်ဒန်သားနှင့် လူချင်းမနီးစပ်သော်လည်း တိတ်တဆိတ် စာအဆက်အသွယ်ရှိခဲ့၏။ အဲလက် မဆုံးမီ ရှစ်နှစ်တာကာလအတွင်း စာအဆက်အသွယ် ရှိသည်ကလွဲ၍ အဆင့်မပိုခဲ့ချေ။

သို့သော် ကံတရားက ဆန်းကြယ်လှသည်။ အဲလက်မှာ (၉၆) ပါးသောဝေဒနာနှင့် သဘာဝတရားကို မလွန်ဆန်နိုင်၍ ဘဝတစ်ပါးသို့ ပြောင်းသွားသောကြောင့် မစ္စက်ဒဲရစ်ဆင်မှာ ရှစ်နှစ်လုံးလုံး မျိုသိပ်ကြိတ်မှိတ်ကာ စောင့်စည့်ခဲ့ရသည့် အတုပ်အနှောင်မှ လွတ်မြောက်ပြီဖြစ်သဖြင့် ချစ်သူရှိရာ လန်ဒန်မြို့ကြီးသို့သွားရန် ဤခရီးစဉ်တွင် ပါလာရခြင်း ဖြစ်၏။

► ဒီမှာ..မစ္စက်ဒဲရစ်ဆင်..သေပြီးသားလူဟာ ပြန်မလာနိုင်ဘူးဆိုတာ ကလေးတောင်သိတယ်..  မဖြစ်နိုင်ပါဘူးဗျာ..
ခင်ဗျား နေမကောင်းလို့ ကယောင်ကတန်း ထူးထူးဆန်းဆန်းတွေမြင်တာပါ..  တကယ်မရှိတာကို အရှိထင်နေတာပေါ့..  ခင်ဗျားကြောက်စရာ ဘာအကြောင်းမှမရှိဘူး...

မစ္စက်ဒဲရစ်ဆင်မှာ ကျွန်ုပ်၏ နှစ်သိမ့်မှုကြောင့် အခြေအနေ အတော်ကောင်းလာသဖြင့် နေ့လယ်စာစားသောအခါ အတော်စားနိုင်လာသည်။ နောက်တစ်နေ့ ထပ်တွေ့ပြန်ရာ အနှောင့်အယှက်မရှိဘဲ အားလုံးအဆင်ပြေချောမွေ့ကာ ရယ်ရယ်မောမောနှင့် ရှိနေ၏။ ထို့ကြောင့် မစ္စက်ဒဲရစ်ဆင်၏ ပြဿနာမှာ ပြီးဆုံးသွားပြီဟု ကျွန်ုပ်ထင်သည်။
တကယ်တော့ ကျွန်ုပ်၏ ထင်မြင်ချက်မှာ မှားယွင်းခဲ့သည်။ ကျွန်ုပ်တို့၏ သင်္ဘော လီဗာပူးလ်သို့ မရောက်မီ တစ်ညအလိုတွင် ကျွန်ုပ်သည် ဘတ်တလက်ဆိုသူ အဘိုးအိုနှင့် စကားပြောသည်။ သူ့ကို ကျွန်ုပ် ဤသင်္ဘောပေါ်ကျမှသာ သိကျွမ်းခဲ့ရပြီး သူနှင့် ကျွန်ုပ် မကြာခဏ အရက်အတူတူ သောက်ဖြစ်ခဲ့ကြ၏။
ထိုနေ့ညက သူနှင့် ကျွန်ုပ် ညအတော်နက်သည်အထိ ရောက်တတ်ရာရာများပြောရင်း အရက်သောက်ကြသည်။
ယင်းသို့ပြောနေရင်း စကားလမ်းကြောင်းထဲတွင် လူများ၏ မျက်နှာများကို မှတ်သားနိုင်စွမ်းဖြစ်သည့် မှတ်ဥာဏ်စွမ်းအားအကြောင်းကို ပြောဖြစ်ခဲ့၏။

► ကျုပ်တော့ လူတစ်ယောက်ကို တစ်ခါမြင်လိုက်ရင် တော်ရုံနဲ့မမေ့တော့ဘူးဗျို့..  ဒါပေမယ့် နာမည်ကျတော့ မမှတ်မိပြန်ဘူး..  အဲဒါ ဒုက္ခရောက်နေတာပေါ့..  မျက်နှာတွေကိုကျတော့ အသေးစိတ်လောက်ကို မှတ်မိတာဗျို့..
ပြောရမယ်ဆိုရင် အခုလက်ရှိ သင်္ဘေပေါ်က လူ ၇၀၊ ၈၀ လောက်ကို ကောင်းကောင်းအလွတ်ရနေပြီ...

သူ့စကားကြောင့် ကျွန်ုပ်က ကျွန်ုပ်ထင်မြင်ချက်ကို ပြောသည်။

► အခု သင်္ဘေပေါ်မှာ ၇၀၊ ၈၀ မကတော့ဘူးထင်တယ်...

► ဒါလောက်ပါပဲဗျာ..  အခုလို ဖေဖော်ဝါရီလမှာ လူတွေဟာ ဒီအတ္တလန္တိတ်သမုဒ္ဒရာကို မဖြတ်ရဲကြဘူးဗျ..
အခု လူရှစ်ဆယ် ဘယ်နည်းနဲ့မှမကျော်ဘူး..  အဲဒီလူတွေထဲမှာ လူတစ်ယောက်ကတော့ တော်တော်ထူးတယ်ဗျ..
ဘာဖြစ်လို့လဲဆိုတော့ အဲဒီလူဟာ သူ့အခန်းထဲကနေ အပြင်ကို ဘယ်တော့မှ မထွက်ဘူး..  အဲဒီလူကို မနေ့ကမှတွေ့ဖူးတယ်..  ဒီလူက ရေချိုးခန်းက ထွက်လာတာကို တွေ့လိုက်ရတာ..  ခရီးတစ်လျှောက်လုံး တစ်ခါမှမတွေ့ဖူးခဲ့ဘူး..  သူ့အခန်းထဲမှာ သူအောင်းနေခဲ့တယ် ထင်ပါရဲ့ဗျာ...

► အို..ဒီလူဖျားနာနေလို့ အခန်းထဲက မထွက်တာလည်း ဖြစ်နိုင်တာဘဲ...

► လုံးဝမဟုတ်ဘူး..  ဘာဖြစ်လို့လဲသိလား..  ကျုပ်က သင်္ဘောဆရာဝန်ကို ဒီလူလာသွားသလားဆိုတာ မေးခဲ့ပြီးပြီ..  ဆရာဝန်က ဒီလူ သူ့ဆီကို တစ်ခါမှ မလာဖူးဘူးတဲ့ဗျာ...

► ကျုပ်တောင် စိတ်ဝင်စားလာပြီ..  ဒီလူ့ပုံသဏ္ဌာန်ကို ပြောပြစမ်းပါဗျာ...

► ရပါတယ်..ဒီလူ့ပုံက မှတ်မိလွယ်တဲ့ ပုံမျိုးပဲ..  အဲဒီလူဟာ အသက် ၅၀ လောက်ရှိပြီ..  အပြာရောင် ညဝတ်အင်္ကျီနဲ့ ဖိနပ်က အနီရောင်ရှူးဖိနပ်ကို စီးထားတယ်..  ပြီးတော့ သူ့ညဝတ်အင်္ကျီအိတ်ထဲမှာ ခပ်လေးလေးပစ္စည်းတွေ ထည့်ထားပုံရတယ်..  ကျုပ်အထင်တော့ အိတ်ဆောင်နာရီနဲ့ အခြားပစ္စည်းတွေ ဖြစ်မှာပဲ..
သူ့မျက်နှာကို ကျုပ် ဂရုတစိုက် ကြည့်ထားလိုက်မိတယ်..  မျက်နှာဝိုင်းဝိုင်း..ပါးစပ်ပေါက် ခပ်ကျဉ်းကျဉ်းနဲ့ အားလုံးခြုံပြီးပြောရရင် သူ့အသွင်အပြင်က ထူးခြားလွန်းလို့ မှတ်မိနေတာပေါ့..  သူ့မျက်နှာဟာ မျက်နှာသေကြီးနဲ့ ဆေးရေးထားတဲ့ အရုပ်ကြီးလိုပါပဲဗျာ..  သူလမ်းလျှောက်တာက ဖြည်းဖြည်းလေးလေးနဲ့ တစ်ခုခုကို ပူပန်ကြောင့်ကြနေသလိုပါပဲလေ...

► အင်း..ခင်ဗျားကတော့ တကယ့်မှတ်ဥာဏ်ကောင်းတဲ့ ပုဂ္ဂိုလ်ပါပဲဗျာ..  ဒါထက် ခုန ခင်ဗျားပြောတဲ့ လူရဲ့
   အကြောင်းကို ဘယ်သူတွေကိုများ ပြောမိသေးလဲ...

► ဟင့်အင်း..  အို..မဟုတ်သေးဘူး.. 
   ဟုတ်တယ်..ဟုတ်တယ်..အမျိုးသမီးတချို့ကိုတော့ ပြောပြလိုက်မိတယ်..  ဘာဖြစ်လို့လဲ...
  
► ဘာမှမဖြစ်ပါဘူး..ခင်ဗျားလိုပဲ အဲဒီလူကို တခြားတစ်ယောက်ယောက်ကများ မြင်ဖူးသေးသလားလို့ သိချင်လို့ပါ..

► အင်း..ကျုပ်ပြောပြတဲ့ အမျိုးသမီးတွေကတော့ သူ့ကို မတွေ့ဖူးသေးပါဘူးလို့ ပြောတာပဲ..  အေး..ကျုပ်ပြောတဲ့လူပုံစံနဲ့ လူတွေဟာ တစ်ကိုယ်တည်း နေလေ့ရှိကြတယ်ဗျ...

မိနစ်အနည်းငယ်ကြာသောအခါ အဘိုးအိုကို ကျွန်ုပ် နှုတ်ဆက်ပြီး ပြန်လာခဲ့၏။ ထိုအချိန်မှာ ည (၁)နာရီနှင့် (၂)နာရီကြားဖြစ်ရာ အဘိုးအိုပြောသော အကြောင်းအရာက ကျွန်ုပ်ကို စိတ်အနှောင့်အယှက်ဖြစ်စေသည်။

ဝတ်ရုံအပြာ ဝတ်ထားသူနှင့် ကျွန်ုပ် ဆုံမိမည်ကို မလိုလားပါ။ သို့သော် မစ္စက်ဒဲရစ်ဆင်၏ အကြောင်းက ရုတ်တရက် ခေါင်းထဲသို့ ဝင်လာသည်။ ကျွန်ုပ်အတွက် ကျွန်ုပ်ပူပန်မိသည်ထက် မစ္စက်ဒဲရစ်ဆင်နှင့် ဝတ်စုံပြာပုဂ္ဂိုလ်တို့ တွေ့နေကြမည်ကို ပို၍ စိုးရိမ်စိတ် ဖြစ်လာ၏။ သင်္ဘောပေါ်တွင် အမျိုးသမီး အနည်းငယ်သာပါသည်။
အဘိုးအိုပြောသော ဝတ်စုံပြာနှင့် လူအကြောင်းကို မစ္စက်ဒဲရစ်ဆင်လည်း မလွဲမသွေကြားခဲ့ရပေလိမ့်မည်။
ဤသို့ဆိုလျှင် သူမ အလွန်ကြောက်နေမည်ဖြစ်၍ သူမ၏ အခြေအနေကို သိလိုသဖြင့် သူမ၏ အခန်းဘက်သို့ ကျွန်ုပ် လျှောက်သွားခဲ့၏။

ကျွန်ုပ် သူမ၏ အခန်းသို့ မရောက်မီကပင် သူမ၏ အခန်းတံခါးမှာ ပွင့်လျက်သားရှိနေသည်။ ထိုစဉ် မစ္စက်ဒဲရစ်ဆင်မှာ အူယားဖားယားနှင့် အခန်းတွင်းမှ ပြေးထွက်လာရာ ပါးစပ်မှာ ဟလျက်ရှိပြီး လက်တစ်ဖက်က လည်ပင်းကို ဆုပ်လျက် ကျန်လက်တစ်ဖက်က အခန်းတံခါးကို ဆောင့်၍ ပိတ်လိုက်၏။
မြင်တွေ့နေရသည့် အနေအထားက မစ္စက်ဒဲရစ်ဆင်သည် အခန်းတွင်း၌ရှိသည့် တစ်စုံတစ်ယောက်အား အပြင်သို့ ထွက်မလာစေလို၍ တံခါးကိုပိတ်သည့်ပုံဖြစ်သည်။ ကျွန်ုပ်က သူမထံ အလျင်အမြန်သွားလိုက်ရာ ကျွန်ုပ်ကို သူမ မြင်သွားသဖြင့် စိတ်လျှော့လိုက်ဟန်ဖြင့် ကျွန်ုပ်၏ ရင်ခွင်ထဲသို့ တိုးဝင်ပျော့ခွေကျသွား၏။ ပါးစပ်ကလည်း တတွတ်တွတ်ဖြင့် ပြောနေသည်။
► ကျွန်မကို သူရှိတဲ့ ပင်လယ်ထဲကို ခုန်ချခိုင်းနေတယ်..ခုန်ချ
ခိုင်းနေတယ်...

အတန်ကြာအောင် ဤစကားကိုသာ သူမ တတွတ်တွတ်ရွတ်နေရာ ခဏကြာသောအခါ ငြိမ်သက်သွားသည်။

► မစ္စက်ဒဲရစ်ဆင်..ခင်ဗျား ကယောင်ကတမ်းနဲ့ အိပ်မက်ဆိုးတွေ မက်နေပြီထင်တယ်..မကြောက်ပါနဲ့ဗျာ...

► မဟုတ်ဘူး..မဟုတ်ဘူး..အိပ်မက်မဟုတ်ဘူး...

► ကဲ..ထားပါတော့..အိပ်မက်မဟုတ်ရင် ခင်ဗျားဘာတွေဖြစ်နေတာလဲ..  အခု ကျုပ်လည်းရောက်နေပြီ..
   ခင်ဗျား ဘာမှမဖြစ်စေရဘူး..စိတ်ချ..  ခင်ဗျားကို ကျုပ်ကာကွယ်ပေးမယ်..ဟုတ်လား...

► ဟုတ်ကဲ့..ကျေးဇူးပါပဲ..လောလောဆယ်တော့ ရှင်ဘယ်ကိုမှ မသွားစေချင်သေးဘူး..  အဲလက်က အခန်းထဲမှာ ရှိနေတယ်..  ကျွန်မကို သူနဲ့တမလွန်ကို လိုက်ခဲ့ဖို့ ခေါ်နေတယ်ရှင့်...

► မဟုတ်နိုင်တာ..အဲလက်က သေပြီပဲ..  ခင်ဗျားအခန်းထဲမှာ ဘယ်လိုလုပ်ရှိနိုင်မှာလဲ..
ကဲ..လာ..လက်တွေ့သွားကြည့်ကြမယ်...

ကျွန်ုပ်က တံခါးကို ပြောပြောဆိုဆို ဆွဲ၍ဖွင့်လိုက်၏။ အတွင်း၌ မှောင်နှင့်မည်းမည်းရှိနေပြီး သူမကို ကျွန်ုပ်ကဖေးမ၍ ဖက်ထားဆဲပင် ဖြစ်၏။

► ကျွန်မ အခန်းထဲမှာ မီးဖွင့်လျက် ထားခဲ့တာရှင့်...
မစ္စက်ဒဲရစ်ဆင်က တုန်တုန်ချိချိနှင့် ပြောသည်။

► ခင်ဗျား ပြေးထွက်လာတုန်းက မီးခလုတ်ကို လက်နဲ့တိုက်မိပြီး ပိတ်သွားတာဖြစ်မှာပေါ့...

တကယ်တော့ ကျွန်ုပ်ပြောလိုက်သောစကားမှာ ဘယ်လိုမှမဖြစ်နိုင်သောအချက် ဖြစ်သည်။ သို့သော် မှန်သည်ဖြစ်စေ၊ မှားသည်ဖြစ်စေ သူမ စိတ်သက်သာရာရစေဖို့ ကျွန်ုပ်ပြောရခြင်းဖြစ်၏။

ကျွန်ုပ်၏ စိတ်ထဲတွင် ညီမအငယ်ဆုံးတစ်ယောက် စိတ်ဒုက္ခရောက်နေစဉ် အစ်ကိုကြီးက ဖေးမသည့်သဘောမျိုးထား၍ ကူညီပေးနေခြင်းသာ ဖြစ်၏။ သူမကို ကုတင်ပေါ်၌ နေရာချထားပေးလိုက်ပြီး ဝီစကီတစ်ခွက်ကိုပါငှဲ့၍ ပေးလိုက်ပြီး သောက်ခိုင်းခဲ့သည်။ သူမက ကျွန်ုပ်၏ လက်မောင်းကို ကျစ်ကျစ်ပါအောင် ဆုပ်ကိုင်ထားဆဲဖြစ်၏။

► ကျွန်မ ဘာဖြစ်ခဲ့သလဲဆိုတာ ရှင့်ကို ပြောပြလို့ရမလားဟင်...

► အင်း..ခင်ဗျား စိတ်ချမ်းသာမယ်ဆိုရင် ပြောပေါ့ဗျာ..  ခင်ဗျား ဆောင်းတွင်းအိပ်မက် ကယောက်ကယက်တွေ မက်ခဲ့ပြန်ပြီထင်တယ်...

► ကျွန်မကတော့ ဆောင်းအိပ်မက်လို့ မထင်ဘူး..  ညက ခပ်စောစောပဲ ကျွန်မ အိပ်ရာဝင်ခဲ့တယ်.. 
မစ္စတာဘားလက်ရဲ့ ပြောပြချက်ကို ကြားခဲ့ရလို့ စိတ်ကတော့ နည်းနည်းလှုပ်ရှားမိတာ အမှန်ပဲ..  ဒီလိုနဲ့ တော်တော်လေးလည်းကြာရော ကျွန်မ အိပ်ပျော်သလိုလို မပျော်သလိုလိုနဲ့ ကျွန်မအနားမှာကပ်ပြီး အသက်ရှူသံကြားနေရတယ်ရှင့်.. 
ကျွန်မလည်း လှုပ်လှုပ်ရှားရှားလုပ်ရော အသက်ရှူသံလည်း ကျွန်မနဲ့ တဖြည်းဖြည်းဝေးသွား
တယ်..  ဒါနဲ့ ကျွန်မ မီးခလုတ်ရှိရာကိုသွားပြီး မီးဖွင့်လိုက်တယ်..
သူပေါ့ရှင်..သူ..သူ..အဲလက်ပေါ့..  စားပွဲဘေးနားမှာ မတ်တတ်ရပ်နေတယ်..  သူ့လက်ထဲမှာလည်း မောင်းချဓါးတစ်ချောင်းနဲ့ အသွားကို သူ့လက်နဲ့ ထက် မထက်စမ်းနေတယ်ရှင့်..  ပြီးတော့ ဓါးကို စားပွဲပေါ် ပြန်ချထားလိုက်ပြီး ခေါင်းကို ရမ်းနေတယ်..  ပြီးတော့ ကျွန်မဆီကို ပြန်လျှောက်လာပြီး ကုတင်အစပ်မှာ ထိုင်လိုက်တယ်..
ပြီးတော့ ကျွန်မကို သူကပြောတယ်...
[ရှီလာ..မင်း..မင်း ပင်လယ်ထဲကို ခုန်ချလိုက်စမ်း..မင်းကို ငါ့လက်နဲ့ မသတ်ရက်ဘူး..  သွား..သွား ရေထဲကို ခုန်ချလိုက်..မင်းကို ငါ ရေထဲက စောင့်နေမယ်...]
ဒီနောက်တော့ ကျွန်မလည်း သတိလစ်သလိုဖြစ်သွားပြီး ဘာမှမမှတ်မိတော့ဘူး..  ပြန်လည်း သတိဝင်လာရော ရှင့်ရင်ခွင်ထဲမှာ ကျွန်မရောက်နေတော့တာပါပဲရှင်.. ဘာပဲဖြစ်ဖြစ် ရှင်ရှိနေတာ ကျွန်မအတွက် လုံခြုံနေတယ်ရှင့်..

ကျွန်ုပ်က သူမ၏ အနားတွင် ထိုင်ချလိုက်သည်။

► နေပါဦး..ကျွန်တော်က ခင်ဗျားအနားမှာ ရှိနေရုံနဲ့ ခင်ဗျားအတွက် လုံခြုံတယ်ဆိုတာ ဘယ်လိုလဲ...

► ဒီလိုပါ..ရှင်က အဲလက်ထက် ပိုပြီး ကျန်းမာသန်စွမ်းတဲ့ လူဆိုတော့ အဲလက်က ရန်မလုပ်ရဲလို့ပေါ့ရှင်...

သူမစကားမှာပါသည့်အတိုင်းပင၊် ရှီလာ့အသက်အတွက် ကျွန်ုပ်နှင့် အဲလက်တို့ ထိုးရ၊ ကြိတ်ရဖွယ်ရှိသည်။ ထိုသို့ဖြစ်လျှင် ကျွန်ုပ်က အဲလက်ထက် ပို၍ တောင့်တင်း၊ ဗလကောင်းသဖြင့် ကျွန်ုပ်ပင် နိုင်မည်ဖြစ်သည်ကို ကျွန်ုပ် အလိုလိုနေရင်း သိနေ၏။

► ကောင်းပြီလေ..အိပ်မက်က နိုးထလာတဲ့ ခင်ဗျားကို ကျွန်တော် စာနာတဲ့အနေနဲ့ ခဏနေပေးပါ့မယ်..  ဒါထက်စကားမစပ် မစ္စတာဘားလက်က ခင်ဗျားကို ဘာပြောခဲ့သလဲ ဟင်...

► ဘားလက်က ကျွန်မကို ပြောတာကတော့ သူ အဲလက်ကို မြင်လိုက်တဲ့အကြောင်းပေါ့ရှင်..  အဲလက်ဟာ အင်္ကျီအပြာ..ဖိနပ်အနီစီးထားတဲ့အကြောင်းအပြင် အဲလက်ရဲ့ ပါးစပ်ပေါက်ကျဉ်းတဲ့အကြောင်းပါ ပါသေးတယ်ရှင့်...

► ခင်ဗျား ကျုပ်ကို ယုံယုံကြည်ကြည်နဲ့ ပြောပြတဲ့အတွက် ကျေးဇူးတင်ပါတယ်ဗျာ...

စာရှုသူအဆွေ၊ ယခု ရှီလာ ခေါ် မစ္စက်ဒဲရစ်ဆင်ကို ကျွန်ုပ်ဆက်လက်ပြောသည့် စကားကိုအမှန်ဟု မယူဆစေလိုပါ။

► ဒီမှာ ရှီလာ..ဘားလက်တွေ့ခဲ့တဲ့လူဟာ အဲလက်မဟုတ်ဘူး..  ကားဝမ်း ဆိုတဲ့လူပဲ..  ဒီအကြောင်းကို စောစောကလေးကပဲ ကျွန်တော် ဘားလက်ကို ပြောခဲ့သေးတယ်...

► ဒါဖြင့်ရင် ကားဝမ်းဆိုတာ ဘယ်သူလဲ...

► ကျုပ်မိတ်ဆွေ..လျှပ်စစ်အင်ဂျင်နီယာ တစ်ယောက်ပါ..  လူကောင်းပါဗျာ..ဒီလူကို ဘားလက်က အဲလက်လို့ အထင်လွဲပြီး ပြောနေတာပါ...

► ကဲ..ရှင်..ဒါဖြင့်ရင် ကားဝမ်းရဲ့ ရှူးဖိနပ်ကိစ္စကကော...

► ဒါကတော့ တိုက်ဆိုင်မှုပဲဗျာ..  ခင်ဗျားစိတ်တွေ ရှုပ်ထွေးသွားအောင်ဖြစ်စေတဲ့ ကြုံကြိုက်မှုတစ်ရပ်ပဲ...

► အင်း..အင်း..ကောင်းပါလေရဲ့ရှင်...

မစ္စက်ဒဲရစ်ဆင်သည် အိပ်ရာပေါ်၌ လှဲချလိုက်ရင်း မှိန်းနေသည်။ သို့နှင့် ကျွန်ုပ်မှာ ထိုင်လိုက်၊ ငိုက်လိုက်နှင့် မိုးစင်စင် လင်းခဲ့ရသည်။
                                          Ж   Ж   Ж   Ж   Ж   Ж
ကျွန်ုပ်သည် ရှီလာထံမှ စာကိုရရှိရာ သူမ၏ ခင်ပွန်းအသစ်နှင့် ပေါင်းဖက်နေထိုင်ပြီဖြစ်ကြောင်း ပါရှိသည်။
ကျွန်ုပ်တို့သင်္ဘော လီဗာပူးသို့ဆိုက်စဉ်က ရှီလာကို လာကြိုနေသော သူမ၏ ချစ်သူ၊ ပန်းချီဆရာကို တွေ့ခဲ့ရသည်။
ထိုသူမှာ ရုပ်ရည်လက္ခဏာ သန့်ပြန့်၍ တည်တည်ကြည်ကြည်ရှိသည်။ သူမ၏ စာထဲတွင် သူမ၏ အိပ်မက်ဆိုးကြီးအကြောင်းပါ ထည့်၍ရေးထား၏။
ယခုထက်ထိ တစ်ခါတစ်ရံ အိပ်မက်ကဲ့သို့ ထပ်မံ၍ တွေ့နေရကြောင်း၊ ထို့ကြောင့် အိပ်မက်မဟုတ် အမှန်မြင်တွေ့ထိသိခဲ့ရကြောင်း၊ အဲလက်၏ ဝိညာဉ်က သူမကို စွဲစွဲလန်းလန်းနှင့် လိုက်လံနှောင့်ယှက်နေခြင်းဖြစ်ကြောင်း၊
ချစ်လင် ပန်းချီဆရာနှင့်မခွဲဘဲ တတွဲတွဲနေခဲ့သဖြင့် ယခုအခါ အဲလက်မှာ ပေါ်မလာတော့ကြောင်း၊ ကျွန်ုပ်အားလည်း
ကျေးဇူးတင်သဖြင့် ရွှေစီးကရက်ဘူးကလေးတစ်ခု ပို့လိုက်ပါကြောင်း၊ ရွှေအစစ်ဖြစ်၍ တန်ဖိုးကြီးပါကြောင်း ရေးထားသည်။

ကျွန်ုပ်သည် ထိုစီးကရက်ဘူးကို လူအများရှေ့တွင်ထုတ်၍ အသုံးမပြုပေ။ ဘယ်ရွေ့ဘယ်မျှ ဈေးပေးရသည်ကို မသိဘဲ အခြားသူများက စပ်စုလာပါက လက်ဆောင်ရသည့် ပစ္စည်းဖြစ်ကြောင်း၊ ဘာကြောင့် လက်ဆောင်ကို ရှီလာပေးရကြောင်း စသည့်စသည့် မယုံနိုင်စရာ ဇတ်ကြောင်းများ ပြန်မပြောလိုသဖြင့် စကားနည်းရန်ဆဲ ကျွန်ုပ် တစ်ဦးတည်း ရှိသည့်အခါမှသာ အသုံးပြုသည်။

ကျွန်ုပ် ပြန်၍ပြောရလျှင် မရှိသော ကာဝမ်းဆိုသူနှင့် ရှီလာ လှိုင်းတောက်ခြင်းဟု မမှန်သောစကားများ ပြောဆိုခဲ့ရသည်ကို ကျွန်ုပ် လိပ်ပြာမသန့်ပါ။ ရှီလာကတော့ လက်တွေ့ကျကျ ပြောနိုင်ခဲ့သည်။ မနက်ဖြန်ဆိုလျှင် ရှီလာနှင့်ကျွန်ုပ်တို့ အင်္ဂလန်သို့ စီးနင်းလိုက်ပါခဲ့သော သင်္ဘောဖြင့်ပင် ကျွန်ုပ် နယူးယောက်မှ လန်ဒန်သို့ ခရီးသွားဖြစ်ဦးမည်။ သို့ကြောင့် ထိုသင်္ဘောကို မစီးလို၍ အခြားသင်္ဘောတစ်စီးကို နောက်ထပ် ၃ ရက်ခန့် ထပ်မံစောင့်ဆိုင်းရမည်ဖြစ်၏။

ကျွန်ုပ်မှာ စာရှုသူအဆွေကို သင်္ဘောနာမည်အား ထုတ်ဖော်၍ မပြောပြခဲ့ပါ။ အဘယ့်ကြောင့်ဆိုသော် တစ္ဆေသရဲရှိသော သင်္ဘောဟု လူအများ ယုံကြည်သွားပါမူ သူတို့၏ သင်္ဘောကို လူစီးနည်းသွားပါက စီးပွားရေးထိခိုက်မည်ကို
စိုးရိမ်သော အကြောင်းကြောင့်ဖြစ်၏။ ကျွန်ုပ်စိတ်ထဲတွင် ယုံကြည်နေသည်က ယင်းသင်္ဘောပေါ်တွင် ခရီးသည်စာရင်း၌ မပါသော သူတစ်ဦး သင်္ဘောပတ်စဉ်တိုင်း လိုက်ပါလျက်ရှိသည်ဟူ၍.....။

☺ ဖတ်ခဲ့ဖူးသည်များကို တင်ထားခြင်းဖြစ်ပါသည်။ အားလုံးကို ကျေးဇူးတင်ပါသည်။
@yexin189